2024 жылғы 2-27 желтоқсан аралығында математика, физика және информатика пәндері бойынша әдістемелік бірлестік айлығы жоспарға сәйкес жоғары деңгейде өткізілді. Айлықтың негізгі мақсаты — осы пәндерде оқушылардың функционалдық сауаттылығын дамыту жолдарын айқындау және тиімді әдістемелерді енгізу болды.

Айлық барысында:

• Ашық сабақтар, сыныптан тыс шаралар мен пәндік үйірмелер сәтті өткізілді. Оқушылардың пәнге деген қызығушылығы артты.

• Семинарлар, коучингтер мен шеберлік сыныптары арқылы мұғалімдердің кәсіби шеберлігі шыңдалып, заманауи технологияларды қолдану тәжірибесі кеңейді.

• 5-11 сыныптарда бақылау жұмыстары мен тестілеулер алынып, білім сапасының мониторингі жүргізілді.

• Дарынды оқушылармен және үлгерімі төмен оқушылармен жұмыс деңгейі зерделеніп, тиісті ұсыныстар берілді.

• Мұғалімдердің теориялық білім деңгейі, портфолиолары және кәсіби дамуы бағаланды.

• Ғылыми қоғам мен үйірмелер жұмысының тиімділігіне талдау жасалып, оқушылар мен ата-аналардың пікірі ескерілді.

Жалпы, айлықтың нәтижесінде пәндер бойынша оқушылардың функционалдық сауаттылығын дамытуға арналған тиімді жұмыс моделі ұсынылды. Алдағы уақытта осы бағыттағы жұмыстар жүйелі түрде жалғасатын болады.