А.С.Макаренко атындағы орта мектебінің тарих пәнінің мұғалімдері Маткалыкова Б, мен Жанатаева Ж. ұйымдастыруымен өткен 15 қараша -Валюта күніне орай “Қаржылық сауаттылық -қоғам талабы” тақырыбында 6-7 сыныптар арасында зияткерлік сайысы өткізілді.
Мақсаты: жалпы қаржы саласына деген дүниетанымды кеңейту, сол арқылы жаңа мүмкіндіктерді ашу және қаржылай зиян әрі шығын келтіретін жайттардан сақтандыру.
Антон Семенович Макаренко атындағы орта мектебінде “Жасыл клуб” жобасы аясында үйірме мүшелері бөлме гүлдеріне күтім жүргізіп, гүлдерді баптау жұмыстарын жүргізді.
Мақсаты: Оқушылардың табиғатқа құндылық қатынасын қалыптастыру, экологиялық білім деңгейін арттыру, балалардың қоршаған ортаны қорғау және табиғи ресурстарды ұтымды пайдалану мәселелері бойынша хабардар болуы, өскелең ұрпақтың табиғатқа жауапкершілікпен қарауына тәрбиелеу, экологиялық сауатты мінез-құлықты қалыптастыру.
Антон Семенович Макаренко атындағы орта мектебінде Ата-аналарды қолдау орталығының ұйымдастыруымен "Дұрыс тамақтану әдет-ғұрпын құру" тақырыбында сабақ өтті. Мақсаты: Балалар мен жасөспірімді дұрыс тамақтандыру олардың денсаулығын нығайтып, дене және ой қабілетінің дамуына мүмкіндік беруін, еңбек ету мен сабақ үлгеру қабілетін арттыру.
Антон Семенович Макаренко атындағы орта мектебінде Ата-аналарды қолдау орталығының ұйымдастыруымен "Жасөспірімнің ұйқысы мен психикалық денсаулығы" тақырыбында сабақ өтті. Сабақ мақсаты: жасөмпірімнің психикалық денсаулығын сақтау факторы ретінде ата-аналардың ұйқыға жауапкершілік пен қарауын қалыптастыру.
Ата өсиеті тақырып "Туыстық қарым-қатынас-баға жетпес байлық"
А.С.Макаренко атындағы орта мектебінде “Әжелер мектебі” жоспары аясында "Туыстық қарым-қатынас-баға жетпес байлық" тақырыбында мектеп психологы Спатаева Ж.Б балалармен дөңгелек үстел өткізілді.
Мақсаты: Халқымыздағы әдептілікке бастау болған баурымащылыққа мән беріп, әжелерге берілетін білім арқылы жас ұрпақтың ұлттық мәдениетін қалыптастыруға бағыттау.
Антон Семенович Макаренко атындағы орта мектебінде "Біртұтас тәрбие" аясында 3-10 сынып оқушыларымен «Алтын күз» жәрмеңкесі ұйымдастырылды. Күз уақыты молшылыққа толы болғандықтан мақсатымыз күздің берекелі, мерекелі кезін насихаттап, оқушыларды талғампаздыққа, еңбекқорлыққа баулу, балалардың қызығушылығын арттыру болды. Әр сынып әртүрлі тағамдар дайындап, тағам түрлерінің санитарлық талапқа сай жасап жабдықтады. Күзгі жәрмеңке бірнеше критерийлер бойынша ұйымдастырылды. #Алтынкүзжәрмеңкесі#
Антон Семенович Макаренко атындағы орта мектебінің оқушылары 25 қазан Республика күніне орай"Отаным-бақыт мекенім"тақырыбында өлең шумақтарын мәнерлеп,нақышына келтіріп айтты.Мақсаты: Жас ұрпақты Отанын сүюге, еліміздің рәміздерін қастерлеуге, бай - қуатты ел екендігін мақтан етуге үйретіп, туған еліне, жеріне деген сүйіспеншілігін арттырып, махаббат сезімін және Отанын, туған жерін қорғай білуге, халқымыздың талантты ақындарының өлеңдері мен ата - бабаларымыздың өнгеге етіп қалдырған даналық сөздері арқылы оқушыларды ұлтжандылыққа, атамекенін көздің қарашығындай сақтай білуге, патриоттық сезімге тәрбиелеу; Мәнерлеп өлең оқып, мағынасын түсіне білу дағдыларын дамыту. #Біртұтастәрбие# #25қазан#
18 қазан 2024 жылы Антон Семенович Макаренко атындағы орта мектебінде ерекше білімді қажет ететін балаларға арналған «Жүрекке жан жылуы » атты қайырымдылық іс-шарасы өтті. Бүгінгі қайырымдылық іс-шараның мақсаты - балаларға бақыт пен шаттық сыйлап, қоғамда өз орындарын табуға көмек беру. Қайырымдылық іс-шараға ерекше білімді қажет ететін балалар және олардың ата-аналары шақырылды. Балалар сазды бағдарламаға және спорттық шараға белсенді қатысты. Балаларға сыйлықтар және тәттілер табысталды. Қайырымдылық акциясының ұйымдастырылуына ат салысқан жеке кәсіпкерлерге мектеп әкімшілігі үлкен алғысын білдіреді.
«Мектепке жол» республикалық акциясы мектеп оқушыларын жалпыға бірдей міндетті біліммен қамтамасыз ету мақсатында 2024 жылдың 1 тамыз - 30 қыркүйек аралығында өткізіледі.
Қазақстан Республикасының әрбір азаматы халықтың әлеуметтік осал топтарынан шыққан балаларды мектепке дайындауда атаулы көмек көрсетуде азаматтық белсенділік таныта алады, әрбір балаға шынайы қамқорлық пен назар аудара алады.
Акцияның мақсаты - аз қамтылған және көп балалы отбасылардан шыққан оқушыларға, жетім балаларға, сондай-ақ ата-анасының қамқорлығынсыз қалған балаларға оқу жылының басталуына дайындық кезінде материалдық қолдау көрсету және әлеуметтік себептер бойынша балалардың мектепке келмеуінің алдын алу.Науқанға кез-келген адам қатыса алады:барлық азаматтар,еріктілер,бизнесмендер,кәсіпкерлер,меценаттар және т.б. Көмек көрсетуге өз үлесімді қосамын деген азаматтар Антон Семенович Макаренко атындағы орта мектеп әкімшілігіне хабарласуларыңызды сұраймыз.
Байланыс телефондары:
+77755266443
+77758237039
+777059694994
Құрметті Шу қаласының және Шу ауданының тұрғындары! Сіздерді «Мектепке жол» республикалық акциясына белсенді қатысуға шақырамыз.
Ізгі ниетпен мектеп директоры Асхат Асанбекұлы Тунгатаров.
